Bedri Greca pak javë më parë mbylli aventurën e tij me Elbasanin dhe tashmë është një lojtar i lirë ne treg. 34-vjeçari është në pritje të ofertave për të vendosur më pas edhe ku do të vazhdojë karrierën.
Lojtari kryeqytetas ka dërguar sinjale ndaj Tiranës. Greca ka rikthyer një postim të bërë para 7 vitesh në “Facebook”, ku luante me skuadrën bardheblu.
Kujtojmë se Greca me Elbasanin në këtë sezon ka luajtur vetëm në 11 ndeshje. Ndërkohë në karrierën e tij në Superiore ka fituar një titull dhe Kupën e Shqipërisë me Kukësin dhe titullin e Kategorisë së Parë me Elbasanin.
