Koreografi Albi Nako i është bashkuar vetëm pak ditë më parë shtëpisë së “Big Brother”-it, por pa hyrë mirë e zbuloi se ishte në një lidhje dashurie me një balerinë.
Madje për të ka folur edhe brenda shtëpisë, duke zbuluar se vajza është nga Malësia, por kanë zgjedhur që lidhjen të mos e ekspozojnë në publik.
ZËRI ka mësuar se partnerja e Albit quhet Dori Staka dhe është balerina që shoqëron këngëtaren Era Istrefi në koncertet e saj. Po ashtu, Dori dhe Albi nuk janë vetëm partnerë në jetë, por edhe në skenë, pasi të dy punojnë së bashku në akademinë e kërcimit që Albi drejton “Albi Nako Dance”.
Në jetën e tij, Albi Nakos ka pasur edhe disa partnere të tjera, gjithashtu palerina. E para ka qenë Kladia Pepa, me të cilën lidhi kurorë, por më pas çifti u nda pasi balerina u zhvendos për të ndjekur karrierën në Itali. Më pas, edhe pse nuk e konfirmuan kurrë zyrtarisht, koreografi Albi Nako u përfol për një lidhje me balerinën, Alba Hoxha, e cila ka qenë balerinë e trupës së tij në “Tv Klan”, e më pas u zhvendos si prezantuese moti./ZËRI
