Bashkëkryetari i Reformës Zgjedhore Damian Gjiknuri ka komentuar në një intervistë për “Top Channel” disa nga çështjet politike që kanë marrë vëmendje së fundi si dhe përplasjet me opozitën. Duke folur për herësin për subjektet elektorale, ai deklaroi se nëse ligji do të qëndrojë siç është aktualisht, listat sipas tij mund të interpretohen sikur janë të hapura plotësisht.
“Gjykata Kushtetuese nuk e ka shfuqizuara konceptin e herësit, por sot që flasim herësi është zero. Nëse do të qëndrojë ligji kështu siç është, listat mund të interpretohen sikur janë të hapura plotësisht. Nëse do të ketë diskutime mund të vendoset një herës tjetër, pa prekur hapjen e listave por që balancon atë që thotë dhe GJK, pragun e brendshme. Kjo nuk i pengon mbajtjen e zgjedhjeve dhe kështu siç është. A është kjo zgjidhja e duhur në kushtet e këtij sistemi? Nuk do ta them… Unë e kam thënë me kohë që do një mekanizëm balancues, sepse aty nuk konkurron vetëm individi, por edhe partia politike”, tha ai.
Sa i përket votës së diasporës, Gjiknuri tha se mund mund të realizohet me vullnet politik.
“Ne kemi lënë afat KQZ në këtë projekt tonin, që t’i regjistrojë kush ka interes të votojë, dhe më pas të ndiqen procedurat me votimin nëpërmjet postës. Mendoj se është një zgjidhje e balancuar dhe e bazuar në shumë praktika. Nëse nuk do të kemi prapë konsensusin për metodologjinë, fatkeqësisht diaspora nuk do të votojë”, u shpreh Gjiknuri.
Sa i takon depolitizimit të komisioneve ai tha se kanë propozuar një grup personash që të trajnohen nga KQZ, dhe më pas të zgjidhen rastësisht
“Ne kemi propozuar një njerëz që trajnohen nga KQZ dhe zgjidhen në mënyrë rastësore dhe alokohen në qendra votimi brenda bashkive ku jetojnë“, tha ai.
Kërkesën e opozitës për ndryshimin e sistemit zgjedhor, ai e cilëson si një lëvizje nga ana e tyre për t’u për të mbijetuar në kushtet e reja politike.
“Po pse duhet të ndryshohet? Nuk është se ka një konsensus mbarëkombëtar, apo është bërë një studim… është kërkesa e një partie që do të mbijetojë në kushtet e reja politike dhe do të hapë dhe të bëjë një sistem proporcional për t’u zgjedhur vetë. Kështu që nga kjo pikëpamje do një konsensus më të gjerë”, pohoi Gjiknuri.
Gjiknuri ka folur edhe rreth funsionimit të komisionit të Reformës Zgjedhore, ndërsa është shprehur se nuk është në kushtet për të nxjerrë një produkt. Ai tha se çdo dialog është i mirëpritur dhe se synohet konsensus për të realizuar ndryshime në kod.
“U bë mbi dy vite që ky komision funksionon, nuk është në kushtet për te nxjerrë një produkt, zgjatja do ishte me vend kur palët të kishin gjetur apo ishin drejt progresit dhe donin dhe pak kohë gjë që do ishte normale, por me ç’duket nuk do këtë një produkt”, tha Gjiknuri, bashkëkryetar i Reformës Zgjedhore.
Vota e diasporës
Vota e diasporës është kthyer në çështjen më “të nxehtë” të diskutimeve lidhur me Reformën e Re Zgjedhore. Opozita, e përfaqësuar nga Alibeaj e ka përfshirë në 4 pikat e “panegociueshme”, ndërsa vetëm pak ditë më parë, kryeminsitri Edi Rama e ka cilësuar të pamundur për t’u arritur. Sipas tij, nuk ka një regjistër për shqiptarët që jetojnë jashtë shtetit, ndaj edhe rrjedhimisht nuk mund që të votojnë në zgjedhjet parlamentare të vitit 2025. Menjëherë pas deklaratës së tij, erdhi një reagim nga ana e kryedemokratit Lulzim Basha.