Gjykata e Lartë e Miçiganit ka refuzuar të dëgjojë një apel nga votuesit në shtetin amerikan, për të skualifikuar Donald Trump nga zgjedhjet presidenciale të vitit të ardhshëm. Ata kërkuan të thirreshin në një klauzolë në Kushtetutën e SHBA, duke ndaluar këdo që është përfshirë në kryengritje, mbi rolin e zotit Trump në trazirat e Kapitolit të vitit 2021.
Vendimi vjen disa ditë pasi Kolorado u bë shteti i parë që vendosi se Trump nuk ishte një kandidat i përshtatshëm. Michigan konsiderohet një shtet ‘fushëbetejë’ në zgjedhjet e përgjithshme të vitit 2024. Tradicionalisht në zonë janë votuar demokratë, ndërsa këtë here Miçigani mbështeti zotin Trump, një republikan, në fushatën e tij të suksesshme presidenciale të 2016-ës, por më tej votëbesoi presidentit aktual Joe Biden, në 2020.
Grupi i avokimit pro-demokracisë ‘Fjala e lirë’ ngriti padinë në shtator. Por ndryshe nga Kolorado, oferta dështoi në fillim të procesit dhe apelimi në gjykatën supreme u pa se kishte pak shanse për sukses. Gjykatat në Michigan e refuzuan çështjen për arsye procedurale dhe nuk shqyrtuan nëse 6 janari 2021 ishte një kryengritje dhe nëse Trump luajti një rol në të. Drejtuesja e Gjykatës së Lartë, Elizabeth Welch shpjegoi se ligjet e Miçiganit ishin të ndryshme nga ato të Kolorados. Ankuesit nuk kanë identifikuar asnjë dispozitë analoge në Ligjin Zgjedhor të Miçiganit, që kërkon që dikush që synon postin e Presidentit të Shteteve të Bashkuara, të dëshmojë kualifikimin ligjor për të mbajtur postin.
Vendimi i gjykatës supreme të Kolorados javën e kaluar, i cili i referohet vetëm zgjedhjeve paraprake të shtetit më 5 mars, nuk e ndalon zotin Trump të kandidojë në shtete të tjera. Është përdorimi i parë ndonjëherë i Seksionit 3 të Amendamentit të 14-të të Kushtetutës së SHBA, për të skualifikuar një kandidat presidencial. Masa u ratifikua pas Luftës Civile Amerikane, pasi shtetet jugore u ribashkuan në Union. Vendimi i Kolorados është lënë në pritje të një apeli në janar. Përpjekje të ngjashme për të larguar zotin Trump nga votimi në New Hampshire dhe Minesota, kanë dështuar.
