Bekim Balaj ka nisur “zjarr” sezonin e ri të Superiores. Pasi kanë kaluar vetëm 6 javë nga starti i kampionatit, kapiteni i Vllaznisë ka shënuar plot 5 gola.
Balaj ka gjetur rrugën e rrjetës në 3 ndeshje radhazi, më saktësisht në 3 të fundit. Kundër Egnatias, Teutës dhe Bylisit, shkodrani ka shënuar gol, duke kontribuar në fitoret e ekipit të tij.
Por këtë “formë” të Balajt në kampionat nuk e kishim parë që në dhjetor të 2023-shit. Që dhjetorin e kaluar, 33-vjeçari nuk kishte shënuar në 3 ndeshje radhazi në Superiore. Herën e fundit, Balaj e bënte këtë kundër Dinamos, Tiranës dhe Skënderbeut.
Kujtojmë që sezonin e shkuar, ish-sulmuesi i Kombëtares shqiptare shënoi 17 gola në kampionat, teksa me formën që po tregon këtë fillim sezoni, gjasat janë shumë të larta që ai ta “thyejë” këtë numër golash.
