Hysaj është një hap më afër “të pakapshmit” Lorik Cana, mund të bëhet rekordmeni i ri kuqezi

Ndeshja ndaj Serbise per Elseid Hysajt me fanellën e Kombëtares shqiptare është mjaft e veçante. Mbrojtësi i djathtë, do të regjistrojë në duelin e ndaj Serbise  ndeshjen e tij të 90 me fanellën kuqezi.

Një shifër mbresëlënëse për mbrojtësin, i cili është më “veterani” në radhët e Kombëtares shqiptare të futbollit mes atyre të grumbulluar nga Silvinjo, tek e cila ka debutuar në vitin e largët 2013 kur ajo drejtohej nga De Biazi, duke u bërë për shumë vite një element i pazëvendësueshëm i saj.

Hysaj është futbollisti i dytë më me shumë ndeshje me fanellën kuqezi të Kombëtares, teksa ndjek prej kohësh atë që për vite ishte i pakapshëm, Lorik Canën. Ish-kapiteni legjendar i Shqipërisë mban rekordin me 93 ndeshje të luajtura, ndaj për Hysajn mjaftojnë pak të tjera për ta arritur e për ta kaluar.