Një punonjës i policisë është vënë në pranga nga agjentët e Agjencisë së Mbikëqyrjes Policore, pasi është konstatuar duke ngarë makinën në gjendje të dehur.
Shtetasi F. H., 51 vjeç, me detyrë SPZ i Stacionit të Policisë Rrogozhinë, akuzohet për “Drejtimi i automjeteve në mënyrë të parregullt”.
Njoftimi i AMP:
Agjencia e Mbikëqyrjes Policore (Rajoni Durrës) ka arrestuar në flagrancë punonjësin e policisë Inspektor i Parë F. H., 51 vjeç, me detyrë SPZ i Stacionit të Policisë Rrogozhinë, pranë Komisariatit të Policisë Kavajë, si i dyshuar për kryerjen e veprës penale “Drejtimi i automjeteve në mënyrë të parregullt”.
Arrestimi në flagrancë i punonjësit të policisë F. H. u krye pasi ai u konstatua duke drejtuar automjetin në gjendje të dehur.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.
