Largimet nga Skënderbeu pasi ranë në Kategorinë e Parë pritet të vazhdojnë. Deri më tani janë konfirmuar largimet e 3 futbollistëve, Liridon Balajt, Mamane Amadou Sabo dhe Felipe.
Por kësaj liste mund t’i shtohet edhe Elvis Prençi. Këtij të fundit i ka përfunduar kontrata me mbylljen e sezonit dhe tashmë gjithçka është në dorën e tij nëse do të qëndrojë te “Ujqërit e Dëborës” edhe në Kategorinë e Parë apo jo.
Klubi dëshiron që kapiteni të jetë pjesë e skuadrës edhe në sezonin e ri, ku do të mbështeteshin te shërbimet e tij për të tentuar rikthimin sa më të shpejtë në elitë. Pas ofertës së drjetuesve, tashmë topi është në fushën e Prençit, i cili në ditët e ardhshme pritet t’i japë fund kësaj dileme.
