Olsi Bylykut nuk i del e keqja me Top Channel, pas eleminimit të tij nga shtëpia e Big Brother, vetëm dy javë pas futjes në garë. Përmes një postimi në Instagram, ku promovonte këngën e tij të re, Olsi nuk nguroi që të thumbonte Top Channel-in, duke vënë në dyshim faktin se ai u nxor nga shtëpia përmes votave të publikut.
“Isha duke e menduar pak sot, se ndoshta juve ju vjen për të qeshur. Po si përfunduam kështu ne? Me të qeshur, me të qeshur, (por) “Klanifornia” u mbyll, na lanë pa punë, pa rrogë, pa gjë. Mes 4 rrugëve! Si përfunduam kështu ne? Ikëm tek Top-i për më mirë, na nxorën për dy javë. Domethënë, na nxori populli se s’ka lidhje Top-i me atë pjesë, as produksioni…po hajd’, shyqyr ju kam juve. Mërziten ndonjëherë ata të shtëpisë”, u shpreh ai dhe theksoi në mbishkrim se videoja nuk është për të qeshur.
Olsi u bë pjesë e rrugëtimit të “BBVA 3” dhe për diku te dy javë u eliminua, për shkak të një televotimi, ku me vendimin e publikut, la garën. Aktori i humorit ka bërë disa herë reagime të tilla dhe ka thumbuar produksionin e “BBVA 3”, ndërkohë që pas largimit nuk u shfaq më në asnjë emision të televizionit. Me mbylljen e Klanifornias në Klan, prej disa muajsh tashmë, Olsi gjendet jashtë një projekti televiziv.
