Kreu i PD, Sali Berisha shpreh keqardhje që Ilir Alimehmeti nuk do jetë në parlament, por shtoi në fund se nëse ai dëshiron mund të kandidojë në garën për kryebashkiak të Tiranës.
Sipas Berishës, vendimi i takon Alimehmetit, por nga sa u pa në zgjedhjet e 11 majit, ai ka mbështetje të fuqishme.
I pyetur nëse PD do të mbështesë kandidatura të tjera në krye të bashkisë, si Agron Shehaj, Berisha tha se do të mbështeten kandidaturat e koalicionit jo jashtë tij.
“PD mbështet kandidaturat e koalicionit të vet në garën për kreun e bashkisë së Tiranës. Do të kemi kandidaturat tona”, tha Berisha.
I pyetur nëse PD do t’i japë deputetë të huazuar partive të vogla si “Mundësia”, Berisha refuzoi duke thënë se kreu i kësaj force politike nuk ka qenë për rotacion.
