GREQI– Studentët në Greqi përplasen me Policinë. Raportohet se disa persona të maskuar me kapuç janë futur brenda godinës së një universiteti në shenjë proteste. Kas qenë ndërhyrja e Policisë ajo që i ka nxjerrë jashtë ku dhe u shënuan përplasjet. Pas daljes nga godina, anëtarë të fraksioneve studentore dhe qytetarë që i mbështesnin kanë protestuar me parrulla jashtë godinës.
Siç mund të shihet dhe në pamje protestuesit kanë qenë të shumtë në numër, ndërsa Policia e armatosur rëndë. Protestuesit mbanin parrulla në duar dhe brohorisnin kundër Qeverisë.
Studentët protestojnë kundër vendimit të Qeverisë greke për hapjen e universiteteve private në vend, pasi thuhet se ky vendim mund të ulë vlerën e diplomave nga universitetet publike. Greqia ka 24 universitete publike të akredituara që kanë qenë thuajse falas prej tre dekadash.
