Ekipet e Superiores tashmë po luajnë mes tyre ndeshjet e fundit të kampionëtit. Kështu në fundjavë do të duhet të zbresin sërish në fushë për të zhvilluar ndeshjet e javës së 34-të të kampionatit.
Duele mjaft të rëndësishme që do të vendosin shumë për objektivat e skuadrve do të luhen ditën e shtunë. Të gjitha sfidat do të luhen në të njëjtën ditë dhe në të njëjtën orë, 15:30.
Kështu Elbasani do të presë në shtëpi Vllazninë, ndërsa Partizani luan në transfertë ndaj Bylisit. Interesante do të jenë edhe përballjet Egnatias – Skënderbeut dhe Laçit – Dinamos.
Gjithashtu të gjithë sy e veshë do të jenë edhe nga dueli mes Tiranës dhe Teutës, takim direkt për mbijetesën dhe që ka në dorë edhe fatet e skuadrave në këtë sezon.
