Kryetari i Partisë “Mundësia”, Agron Shehaj, i ftuar në News24, deklaroi se kjo forcë politike do të marrë mandat në të gjitha qarqet, në Vlorë do të jetë surpriza më e madhe.
“Partitë politike vazhdojnë të jenë të njëjtat, edhe këngët në fushata janë të njëjta. Ne jemi parti e papërlyer.Ne sigurisht, sondazhet e tregojnë, e tregojnë rritjen e Mundësia. Ne synojmë të marrim deputetë në të gjitha qarqet.
Në Vlorë mund të dalim parti e dytë pas PS. Do të shohim çudira, pasi kemi mbështetje. Jam i bindur se hap pas hapi do të vijë ndryshimi. Dhe kjo mund të vijë nga Vlora.Në Tiranë pretendojmë 10% të votave, 3-4 mandate në Tiranë, në Vlorë parti e dytë.
Nëse ka një parti politike që nuk ka një lidhje me punën është PS. Ka lidhje vetëm me pushtetin. Vizioni i tyre është të rregullojnë socialistët në punë. Punëtorët më të mëdhenj janë sipërmarrësit” – u shpreh Shehaj.
