Biznesmeni i njohur, Kristjan Boçi u aksidentua disa ditë më parë, teksa udhëtonte bashkë me fëmijët e tij. Ishte vetë Boçi, i cili në një video të publikuar në rrjetet sociale zbuloi se për shkak të përplasjes kishte humbur shikimin në syrin e majtë. Sot nga spitali “Ushtarak”, ka shpërndarë një foto edhe bashkëshortja e tij, Drilona Boçi. Ajo ka fotografuar një shprehje, si frymëzim për të tejkaluar situatën në të cilën ndodhet.
“Kur trajtoni një sëmundje edhe fitoni, edhe humbni. Por kur trajtoni një person, ju garantoj që ju do të fitoni pavarësisht se cili është rezultati,”-shkruhet në korridorin e “Ushtarakut”.
Aksidenti ndodhi të premten e shkuar në Golem të Lushnjes. Paraprakisht dyshohet se shkak për aksidentin është bërë lagështira në rrugë dhe shpejtësia më të cilën po udhëtonte biznesmeni. ky i fundit pak muaj më parë u përballë edhe me Prokurorinë e Tiranës, e cila i sekuestroi pasuritë me pretendimin se ato kishin si burim aktivitetin kriminal. Por, më vonë, Gjykata e Apelit pranoi kërkesën e tij, për heqjen e sekuestrove ndaj pasurive./
