Mbi 70 vjet dënim për dhjetë të pandehurit e përfshirë në trafik droge në shkallë të gjerë, në të gjithë Italinë Veriore dhe me bazë logjistike në Rovigo. Autoritetet sekuestruan pesë rrotave të Grana Padano-s të mbushura (secila) me 25 kilogramë kokainë të pastër, e transportuar në një kamper. Droga mbërriti nga Holanda, për t’u sjellë më pas në Itali e “kamufluar” brenda rrotave të djathit drejt Sardenjës.
Duke tërhequr fijet e atij sekuestrimi të veçantë në Asti, hetuesit arritën më pas në bazën logjistike të bandës në Rovigo. Dhe kështu hetimi kaloi në duart e Prokurorisë Publike të Venecias, përgjegjëse për krimin e trafikut të drogës në të gjithë Veneton, raporton nuovavenezia.
Dënimet
Gjyqtari Luca Marini dha masat e dënimit për të gjithë anëtarët e bandës, të cilët kishin përfituar gjykim të shkurtuar dhe për pasojë, uljen automatike të masës së dënimit me një të tretën. Prokurori publik Andrea Petroni kishte kërkuar dënime me 93 vjet, por në përgjithësi akuza mbeti e qëndrueshme dhe gjyqtari për seancat paraprake konstatoi ekzistencën e një shoqate kriminale të dedikuar për trafikun e drogës.
Dënimi më i rëndë erdhi për të riun shqiptar Erion Feimi, i konsideruar si “truri” i grupit. Ndaj tij, u dha një dënim prej 16 vite burg dhe 40 mijë euro gjobë. Në total u sekuestruan mbi 130 kilogramë drogë nga Holanda, duke udhëtuar për në Torino, më pas në Veneto, pjesërisht për të qëndruar në Sardenjë.
