Kreshnik Spahiu komentoi në Report Tv, arrestimin e Erion Veliaj. Ai vë re se Partia Socialiste nuk i ka dalë në mbrojtje Veliajt. Sipas tij, deputetë, ministrat apo zyrtarët socialistë duhet të mbajnë një qëndrim.
“Në temën e sotme kemi 3 probleme. I pari politik, i dyti juridik, i treti procedurial. Për problemin politik jam i befasuar, pasi asnjë deputet, ministër, apo drejtues i PS, nuk janë prononcuar dhe nuk kanë marrë në mbrojtje Veliajn.
Duhet mbajtur një qëndrim, është kolegu i tyre. E kanë mbështetur dhe e kanë pasur model suksesi. Jam i befasuar. Ndryshe nga opozita, nëse do arrestohej kryetari i bashkisë së demokratëve 12 vite më parë kur ishte Berisha kryeministër imagjinoni çdo ndodhte.
Janë të detyruar të mbajnë qëndrim politik për një çështje madhore, që ata janë të detyruar të mbajnë qëndrim dhe nuk fshihen dot pas gishtit.
Nuk e kuptoj si funksionon kjo parti. Disa e marrin në aspektin negativ, Rama i lëshon të vetët. Disa në aspektin pozitiv, që PS e lë të lirë drejtësinë.
Mund të jenë dhe të dyja. Mendoj ka një goditje të rëndë politike. Janë goditur gjithë numra 2 të PS. Impakti politik i drejtpërdrejtë”, tha ai.
