Të premten, më 6 qershor, kombëtarja e Serbisë do të vijë në Tiranë, ku një ditë më vonë pritet të zhvillohet ndeshja e parë në kuadër të kualifikimeve për Kampionatin Botëror – e treta për përfaqësuesen tonë.
Në prag të nisjes për në Shqipëri, Uroš Račić, i konsideruar si një ndër të rikthyerit në ekipin kombëtar serb, tregon situatën përpara përballjes, duke qenë se e njeh mirë Shqipërinë, pasi ka luajtur kundër saj, por edhe ka qenë shok skuadre me Nedim Bajramin te Sassuolo, në Itali.
Ndërkohë, portieri i parë i Serbisë, Predrag Rajković, do të humbasë ndeshjen kundër Shqipërisë në Tiranë. Ai iu nënshtrua një ndërhyrjeje kirurgjikale dhe ka dalë tashmë nga spitali.
Një mungesë e rëndësishme për kundërshtarin tonë, i cili në Tiranë do të vijë me disa mungesa për shkak të problemeve të brendshme që kanë veteranët e kësaj përfaqësuese me trajnerin e tyre.
