Pas 5 ditësh, të martën e javës tjetër rikthehet magjia e Champions League. Një prej sfidave që do të zhvillohet të martën është Arsenal-Real Madrid, e vlefshme për çerekfinalet e këtij kompeticioni.
Një lajm i keq nga infermieria për “topçinjtë” në prag të kësaj sfide të rëndësishme. Bëhet fjalë për një dëmtim të rëndë të Gabriel Magalhaes, për të cilin sezoni tashmë është mbyllur përfundimisht.
Siç bëjnë të ditur në klubin londinez, mbrojtësi brazilian do t’i nënshtrohet një operacioni dhe do të fillojë menjëherë fazën e rehabilitimit. Synimi i Arsenalit është që Gabriel të jetë i gatshëm për fillimin e sezonit të ardhshëm.
