Pas një dëmtimi që e la jashtë fushave të lojës për më shumë se një muaj, Medon Berisha është rikthyer sërish në fushën e lojës ditën e sotme me skuadrën e Lecces.
Ekipi i shqiptarëve barazoi sot me Bolognan pa gola në shtëpi. Medon Berisha u fut në fushën e lojës për herë të parë këtë vit, duke u inkuadruar në lojë në minutën e 80-të.
Ndërsa Ylber Ramadani e nisi këtë takim si titullar, duke u zëvendësuar në minutën e 70-të të sfidës. Ekipi i mesfushorëve shqiptarë gjendet në vendin e 14-të të Serie A me 24 pikë të grumbulluara.
