Pas fitores së tyre me rezultatin 4-3 ndaj Real Madridit në fundjavë, Barcelona është në prag të fitimit të titullit të La Ligës. Një fitore kundër rivalëve të tyre të përbetuar, Espanyol, në derbin katalanas të nesërm në stadiumin “RCDE” do të jetë e mjaftueshme që Hansi Flick do të kompletojë tripletën vendase, pasi tashmë kanë fituar Superkupën e Spanjës dhe Kupën e Mbretit.
Në fakt, nëse Real Madridi gabon në ndeshjen e tyre kundër Mallorcas sonte, Blaugranat do të kurorëzohen kampionë edhe para fillimit të ndeshjes nesër. Ndërsa triumfi i titullit duket më afër se kurrë, Flick foli me median në konferencën për shtyp para ndeshjes:
“Është një derbi dhe Espanyol ka pasur një gjysmë të dytë të shkëlqyer të sezonit. Ata kanë lojtarë të rinj kyç dhe me ta, janë përmirësuar shumë. Ata kanë një stil loje shumë të qartë dhe ne do të duhet të jemi shumë të përqendruar. Leëandoëski është mirë dhe është gati për të luajtur.
Nuk kam vendosur nëse do ta shikoj ndeshjen e Realit. Për ne, gjëja më e rëndësishme është të përqendrohemi nesër. Sot kam vendosur që nuk do të flas për formacionin titullar. Eric dhe Andreas mund të luajnë të dy si qendërmbrojtës. Christensen po stërvitet shumë mirë dhe kur luan na ndihmon shumë”.
