Pas ardhjes së aktores Beatrice Luzzi, e cila surprizoi Heidin në Big Brother Vip, spekulimet për ardhjen e një tjetër personazhi të njohur kanë nisur të marrin formë.
Kësaj radhe bëhet fjalë për Massimiliano Varrese, i njohur për lidhjen e shkurtër dhe të pasuksesshme që pati me Heidin gjatë pjesëmarrjes së saj në reality show-n italian “Grande Fratello”.
Ishte babai i Heidit ai që ndërhyri në lidhjen e tyre, duke vendosur të nxjerrë jashtë shtëpisë së Big Brotherit italian vajzëne e tij.
Që nga ajo kohë, emri i aktorit italian ka qenë i lidhur ngushtë me Heidin, duke u përmendur edhe gjatë pjesëmarrjes së saj në BBVA3.
Gjatë spektakleve të Big Brother VIP Albania, blogeri dhe komentuesi i njohur Olti Curri ka qenë një ndër figurat kryesore që ka ndarë informacione të ndryshme të marra nga burime të tij, të cilët ai i referohet si “zogu”.
Gazetari ka publikuar së fundmi një video nga Firenze, në të cilën ai shprehet se në shtëpi do të hyjë sot Massimiliano për Heidin.
“Jo nuk është e mundur, unë jam në të madhen e të bukurën Firenze dhe zogu më lajmëron që sot do hyjë në Big Brother Massimiliano për Heidin. Zjarr”, shprehet me entuziazëm Olti në videon e tij.
Për momentin nuk ka një konfirmim zyrtar rreth kësaj, pritet të shihet nëse një gjë e tillë do të ndodhë vërtet në spektaklin mbrëmjes së sotme.
