Kryedemokrati Sali Berisha pas mbylljes së orarit zyrtar të votimit është drejtuar në selinë e Partisë Demokratike. Teksa po hynte në selinë blu, Berisha ka dhënë një prononcim për mediat. Berisha përshëndeti të gjithë qytetarët që morën pjesë sot në zgjedhjet parlamentare.
Ai po ashtu falenderoi edhe komisionerët, të cilët sipas tij kanë evidentuar çdo shkelës të ligjit.
“Sot kam një përshëndetje të përzemërt për të gjithë qytetarët për pjesmarrjen e tyre në procesin e votimit dhe për ata që erdhën nga toka, deti dhe ajri, dhe firmosën sot ndryshimin. Kam një mirënjohje për komisionerët tanë, engjuj të vërtetë të votës së qytetarëve. Kanë bërë një punë shembullore, të guximshme duke evidentuar cdo shkelës të ligjit. Thirrja ime është të zbatojnë ligjin. Nga informacionet deri më tani, kemi gëzim në të gjitha anët”, tha Berisha./ZËRI
