BRITANI- Katër emigrantë kanë humbur jetën në bujërat franceze, në përpjekje për të kaluar kanalin e La Manshit, dhe për të mbërritur në Britaninë e Madhe.
Rreth 70 njerëz u munduan të hipnin në një anije të vogël, e cila u përmbys duke tentuar të nisej nga një plazh në orët e hershme të së dielës, raporton Agjensia Franceze e Lajmeve.
Dhjetëra prej tyre u nxorën nga uji nga ekipet e shpëtimit në qytetin Calais në veri të Francës. Autoritetet lokale njoftuan se katër emigrantët e mbytur ishin nga Iraku dhe Siria.
Një person tjetër u lëndua rëndë dhe u dërgua në një spital të afërt në Bolougne. Emigrantët hasën probleme menjëherë pasi anija u nis nga bregdeti francez në drejtim të Anglisë rreth orës 2:00 mëngjesin e së dielës, sipas AFP-së.
“Pasi anija u nis nga plazhi, njerëzit hasën në vështirësi në ujë për të arritur të hipin në anije”, tha për AFP-në një zëdhënës i prefekturës detare të Francës. Një anije patrulluese shkoi në vendin e ngjarjes dhe i gjeti trupat e pajetë.
Rreth 50 zjarrfikës dhe disa automjete të policisë shkuan në vendin e ngjarjes, po ashtu. Dhjetëra të mbijetuar u dërguan në një qendër të komunitetit lokal.
