Ervin Bashi është një mbrojtës shqiptar që luan në Serie C të Italisë për skuadrën e Pro Patria. Mbrojtësi 19-vjeçar, ka spikatur me kombëtaren shqiptare U-21 duke debutuar në marsin e këtij viti.
Bashi është pranë një aventure të re në Serie B. Siç raportojnë mediat italiane, klubi i Catanzaros ka finalizuar marrëveshjen me klubin e Pro Patria vonë mbrëmjen e djeshme për transferimin e Bashit.
Tashmë pritet vetëm zyrtarizimi i mbrojtësit të “Shpresave” me klubin e tij të ri. Ervin Bashi ka qenë pjesë e Milanit U-18 nga korriku i vitit 2022 deri në qershorin e vitit 2023.
