Skënderbeu u mposht në shtëpi nga Laçi me shifrat 2-0 ditën e sotme. Trajneri i korçarëve Ernest Gjoka doli në prononcim për mediat në përfundimin e ndeshjes.
“Prisnim më shumë dhe donim ta interpretonim ndryshe këtë ndeshje, por ashtu erdhi situata. Mendoj ende se skuadra e ka forcën për të reaguar. Unë mendoj se ishte ngarkesa psikologjike, ndoshta se ne duhet të bënim gjithçka për të fituar këtë ndeshje. Skuadra mendoj se i bëri detyrat, goli i parë mund të evitohej. Skuadra duhet ta kuptojë se në këtë luftë duhet të ketë gjithmonë ngarkesë.
Unë kam besim, sot mendoj se gabimi ishte mënyra e interpretimit nga ana ime, në pjesën e dytë kemi dhënë më shumë sesa në të parën me një lojtar më shumë. Nuk po arrijmë dot të bëjmë atë hapin e madh ende për të futur skuadrën në luftë për mbijetesë.”, u shpreh Gjoka.
