Ditën e djeshme, Rubin Kazani i Mirlind Dakut mbylli kampionatin rus duke u renditur në vendin e 7-të të klasifikimit. Sulmuesi i Kombëtares shqiptare zhvilloi një sezon mjaft të kënaqshëm, ku e ka shprehur edhe në rrjetet sociale.
“Përfundimi i sezonit si kontribuesi më i mirë në ligë. Not bad.”, ka shkruar Mirlind Daku në faqen e tij zyrtare. Sulmuesi kuqezi u shpall golashënuesi më i mirë i Rubin Kazanit këtë sezon në kampionat.
Megjithatë, vendin e parë në listën e golashënuesve në Premier League të Rusisë e zuri Manfred Ugalde me 17 gola, duke lënë Dakun një vend poshtë me 15 gola.
Por sulmuesi i Kombëtares shqiptare mund të kënaqet pasi ka qenë kontribuesi më i mirë në kampionat, duke kontribuar në 23 gola të shënuar, si askush tjetër.
