BRITANI– Jeremy Southgate, bosi i një bande të trafikut të drogës akuzohet nga drejtësia britanike se në bashkëpunim me tre shqiptarë, Dardan Mrishaj, Evris Mrishaj dhe Florjan Kasaj drejtonte një agjenci false pronash për të menaxhuar një varg qirash fiktive ndërsa pronat i kthente më pas në “shtëpi bari”. Policia nisi një hetim në janar 2021 pasi gjeti rreth 74,000 £ drogë në një pronë në Anlaby Road.
Southgate u zbulua se kishte blerë prona të lira përpara se të falsifikonte dokumentet e qiramarrësit. Pas falsifikimit të dokumenteve, bashkëpunëtori i tij Florjan Kasaj do të menaxhonte pronat. Dy të tjerë, Dardan Mrishaj dhe Evris Mrishaj, menaxhuan ndërtimin e fabrikave të kanabisit. Më pas për kultivimin e tyre ata përdornin emigrantë të paligjshëm.
U zbulua gjithashtu se Southgate mori grante qeveritare për të instaluar izolim që ndihmoi në parandalimin e zbulimit të fabrikave të kanabisit. Si pjesë e hetimit, policia gjeti “shtëpi bari” në Huntingdon Street, The Pines Hotel në Spring Bank dhe katër prona në Worthing Street, Newland Avenue, Bacheler Street dhe Auckland Avenue.
Më shumë se 50,000 £ u sekuestruan nga një varkë në pronësi të Southgate. Më shumë se 320,000 £ u sekuestruan në një shtëpi tjetër. Si pjesë e grupit kriminal, së bashku me Southgate, u dënuan edhe Dardan Mrishaj, Evris Mrishaj dhe Florjan Kasaj.
Det Con Karen Smith, e cila drejtoi hetimin tre-vjeçar, tha:
“Ishte vetëm çështje kohe para se oficerët tanë të trajnuar të çmontonin këtë rrjet kriminal.Do të doja të siguroja komunitetet se gjithçka që marrim na ndihmon të ndërtojmë një pamje më të madhe dhe më të plotë. Kjo përfundimisht na lejon të nxjerrim kriminelët para drejtësisë.Unë gjithashtu do t’u bëj thirrje atyre që u japin me qira pronat e tyre qiramarrësve që të sigurohen që kjo të bëhet në mënyrë legjitime.Të katërt do të dënohen në një datë të mëvonshme”, tha ajo.
