TIRANE- Kryetari i Partisë Demokratike, Sali Berisha ka komentuar ndërhyrjen e Shteteve të Bashkuara të Amerikës dhe bombardimin e 3 zonave në Iran. Berisha thotë se mbrëmë SHBA asgjësoi defakto potencialin bërthamor të Iranit, ndërsa i bën thirrje popullit iranian të bashkohet për të rrëzuar diktaturën teokratike.
KOMENTI I BERISHËS NË FACEBOOK:
Obliterimi, de facto asgjesimi mbrëmë i potencialit bërthamor të Ajetullahëve të Iranit nga fuqia ajrore e SHBA-së është një mundësi e re dhe një thirrje e fuqishme për iranianët në Iran dhe në botë të bashkohen për përmbysjen e diktaturës teokratike obskurantiste dhe për një Iran të lirë dhe demokratik. #sb
Reagimi vjen disa orë pas përshkallëzimit të konfliktit Izrael-Iran, ku SHBA në orët e para të mëngjesit të së dielës (22 qershor 2025), lëshoi bombarduesit amerikanë B-2, dhe bomba shkatërruese, të cilat përdoren për herë të parë nga ana e SHBA-ve.
