Thomas Brdaric është një nga trajnerët më aktiv në rrjetet sociale. Timonieri i shkodranëve herë pas herë bën postime, ku nuk nguron të përgëzojë lojtarët për paraqitjen e tyre apo tifozët për mbështetjen.
Këtë herë ka bërë një tjetër postim mjat interesant. Brdariç shkruan se në futboll asnjëher suksesi nuk është i garantuar dhe se duhen parime të qarta dhe specifike. Gjithashtu ka precut edhe çështjen e zëvendësimeve, ku sipas tij janë pjesë integrale e këtij procesi, ndërsa duhen për të rifeskuar ekipin në momente kyçe gjatë lojës.
“Futbolli fitohet në momente kyçe dhe suksesi nuk është kurrë i garantuar. Kërkon stërvitje të saktë, instinkte të mprehta dhe dhënien e impulseve të duhura në kohën e duhur. Zëvendësimet janë një pjesë integrale e këtij procesi, duke ofruar energji të freskët dhe rregullime strategjike kur loja është në linjë. Duke u fokusuar në parime të qarta specifike për futbollin, ne përgatitemi për të kapur këto momente vendimtare dhe për të formësuar rezultatin me qëllim dhe saktësi”, shkruan Brdaric.
Kujtojmë se në fundjavën e kaluar Vllaznia mori një fitore të rëndësishme ndaj Teutës në “Loro Boriçi”. Shkodranët triumfuan 2-1 dhe tashmë ndodhen vetëm 2 pikë larg Partizanit.
