Vllaznia dhe Dinamo kanë barazuar në ndeshjen e vlefshme për gjysmëfinalen e parë të Kupës së Shqipërisë. Sfida e zhvilluar në stadiumin “Loro Boriçi”, përfundoi me rezultatin 0-0. Në përfundim të këtij dueli ka folur trajneri i shkodranëve, Thomas Brdaric.
“Është shumë e thjeshtë për ta shpjeguar. Mund të bënim më mirë. Ne provuam të shënonim, por nuk arritëm. Duhet të arrijmë të shënojmë, sidomos në ndeshjen e radhës. Ishte një ndeshje shumë e fortë me dy ekipe mjaft të mira në Shqipëri. Për mendimin tim kemi pasur formacionin e duhur për ndeshjen e sotme. Ndoshta në pjesën e parë kishim fat që nuk pësuam, por në të dytën u ndodhi atyre.
Nuk donim që të merrnim risk të madh, do të shohim të provojmë në ndeshjen e dytë. Jam i lumtur që kemi dy lojtarë të mirë në sulm. Bekimi ka luajtur shumë ndeshje dhe është dëmtuar. Është në fazë rikuperimi. Për mendimin tim treshja e sulmit sonte kishte aksione të mira. Do të vazhdojmë kështu. Provojmë që të rregullojmë disa rrugëdalje që na duhen, sidomos për ndeshjen e radhës.
Në ndeshje të forta si kjo duhet balancë, një mbrojtje sa më e mirë, që kundërshtari të mos ketë shanse shënimi. Për mendimin tim sot e implementuam shumë mirë ndeshjen, edhe pse kishte disa gabime taktike. Dua ta shoh Vllazninë, si ajo e pjesës së dytë. Humbëm mundsinë të fitonim falë gabimeve tona. Ju e dini që ne mund të fitojmë, e kemi kofidencën, kemi ekip të fortë. Të shohim se çfarë do të ndodhë në të ardhmen.
Superiorja apo Kupa? Ne duhet të vazhdojmë me ritëm, të shënojmë, të mos pësojmë. Në javët e fundit ndeshjet janë afër, çdo ekip do pikë. E dimë që kemi mundësi për të shënuar. Deri tani po luftojmë për dy kompeticionet, kemi mundësi t’i fitojmë të dyja, jemi aty. Kemi mundësi të marrim më tepër pikë”, u shpreh Brdaric.
