“Nëse votoni kënetën hyni në gjynah, mbani rrugëve një njeri që duhet të ishte në shtëpi”, Rama ironizon Berishën: Mosha e ka lajthitur

“Dua t’ju tregoj një fabul popullore, mbledh babai djemtë, kur u rritën iu thotë të madhit t’i do të kujdesesh për prodhimin e arës. Të dytit do të kujdesesh për shitjen, të voglit do të kujdesesh për babën që kur baba të lajthisë të mos e lësh të dalë nga shtëpia. I thotë po si do e marr vesh, sapo baba të fillojë të fillojë të ngatërrojë fjalët e konakut të burrave me atë të grave, ti mos e lër më babën të dalë nga shtëpia.

Mirë që këto vite nuk u gjet as një djalë dhe as një mike, që t’i thoshte bababufit lëre më këtë muhabet se nuk vazhdon më kjo punë, por sot zogjtë e tij e marrin me tendë. E sjellin vërdallë nëpër Shqipëri një njeri të mbaruar, të pashpresë, të dëshpëruar, mosha e ka lajthitur komplet dhe demokratët e zakonshëm duhet tani ta bëjnë rolin e atij djalit të vogël.

Mendoj unë, se hyni edhe në gjynah se mirë votën në kënetë, por hyni edhe në gjynah që mbani rrugëve një njeri që duhet të shkojë në shtëpi. Shikojeni këtë punë, këtu në Devoll e keni të dyfishtë problemin. Hyni gjynah se çoni rrugeçër në Tiranë. Devolli vendi i njerëzve më punëtorë të njohur me nam.

Devolli i mikpritjes dhe të tëra të mirave por kur na çojnë rrugeçër atje një gjysmak, çyryk që s’ka lënë rast pa e treguar dhe pa i rënë gjoksit, pa bërë gjeste dhe shfaqje për të thënë se unë jam çyryk nuk e di.

Ne duam të jemi bashkë, me ju dhe pa ju, do të fitojmë. Por bashkë me ju ne të bëjmë atë që na takon për Shqipërinë. Ju bëni një rrugë e dy punë, edhe shpëtoni Shqipërinë edhe shptoni nga këneta.”, u shpreh Rama.