Ditën e sotme kanë nisur edhe “ethet” për titullin kampion. Në “Arenën Kombëtare” në orën 20:00 do të luhet sfida e parë gjysmëfinale e “Final – Four”.
Vllaznia dhe Dinamo do të përplasin “brirët” mes tyre për finalen e madhe. Një duel shumë i rëndësishëm për skuadrat që këë sezon dëshirojnë të fitojnë titullin kampion.
Titulli në Shkodër mungon prej 24 vitesh, ndërsa te dinamovitët plot 15 vite. Të dyja ekipet do të hyjnë në fushë “all-in” për të tentuar fitoren, e cila është rezultati i vetëm që do t’i bënte punë ekipit të Ilir Dajës.
Ndërkohë “djemtë” e Thomas Brdaric do të mund të kualifikoheshin edhe me vetëm 1 barazim, pasi siç dihet sezonin e rregullt të Superiores e kanë përfunduar në vendin e dytë në tabelën e klasifikimit, ndërsa “Blutë” u renditën të 3-tët.
