Inter mori një fitore të madhe në çerekfinalen e parë përballë Bayern Munich në Champions League. Fitorja 1-2 në stadiumin “Allianz Arena”, afron zikaltërit me gjysmëfinalen, edhe pse është një akt për t’u luajtur.
Pikërisht për ndeshjen e kthimit, Inter do të ketë një “armë” shtesë. Për Bayernin shtohen hallet, pasi Kristjan Asllani do të rikthehet. Kujtojmë se në ndeshjen e parë, mesfushori shqiptar mungoi për arsye kartonësh.
Ndeshja e kthimit mes Inter dhe Bayern Munich do të luhet më 16 prill. Supersfida që do të zhvillohet në stadiumin “San Siro” të Milanos, do të startojë në orën 21:00, teksa premton spektakël të madh.
