Ish-sulmuesi i Skënderbeut, Ermir Rashica u bë protagonist ditën e djeshme në fitoren e skuadrës së Metalist 1925 përballë Bukovyna. Skuadra e sulmuesit shqiptar arriti të fitojë me rezultatin e ngushtë 2-1.
Rashica arriti të zhvillojë një paraqitje fantastike me skuadrën e tij duke arritur të detyrojë kundërshtarin në golin e parë të shënojë në portën e tij. Ndërsa në pjesën e dytë, sulmuesi 21-vjeçar arriti të fitojë penallti për ekipin e tij.
Por i pakuptueshëm është fakti se “Sofascore” nuk e ka cilësuar Rashicën si më të mirin e takimit duke e vlerësuar me notën 7.6 për këtë takim. Lojtari më i mirë i përballjes është vlerësuar Ramik Gadzhyev i cili nuk u bë protagonist për asnjëherë të vetme.
