Teuta ia doli që të triumfonte në shtëpi përballë Laçit në ndeshjen e vlefshme për javën e 34-t të Superiores. Sfida e zhvilluar në stadiumin “Niko Dovana”, përfundoi 1-0 në favor të vendasve. Në përfundim të këtij dueli ka folur trajneri i durrsakëve, Bledar Hodo.
“Ndeshja ishte e vështirë, e dija që para që ishte e tillë. Skuadrës nuk i kisha dhënë presion, por hyri në të gjitha anët. Mendoj që pjesën e dytë ndërruam sistem duke u kthyer në lojën e zakonshme dhe shyqyr zotit që shënuam.
Të jem i sinqertë, kemi provuar shumë mënyra lojësh me trajnerët që kanë qenë përpara, por me 3-5-2 është lojë më e qartë. Është e vërtetë që doja të mbuloja Tresën dhe Melon, nuk shkonim në presing në kohë. E përgjithshmja është pozitive”, u shpreh Hodo.
