Marçelino Preka është një tjetër lojtar nga futbolli vendas, që po i shërben Silvinjos për seancat stërvitore të Kombëtares.
Aktualisht mungon ftesa zyrtare për grumbullim në ndeshjet ndaj Çekisë dhe Ukrainës. Mbrojtësi i Partizanit ndërkohë nuk është i ftuar as nga Kombëtarja U-21 për miqësoret ndaj Moldavisë, më 15 dhe 18 nëntor.
Preka prej tetë javësh ka fituar vendin e titullarit fiks te Partizani. Mbrojtësi 21-vjeçar është pjesë e klubit të kuq prej sezonit 2022/23, kur u ble dhe kartoni i tij nga Bylisi.
