Partizani ka triumfuar përballë Egnatias në transfertë, në sfidën e parë gjysmëfinale të Kupës së Shqipërisë. Ndeshja e zhvilluar në stadiumin e Rrogozhinës, përfundoi 0-1 në favor të “Demave”. Në përfundim të këtij dueli ka folur trajneri fitues, Skënder Gega.
“Duhet vlerësuar çdo lloji ekipi, por Egnatia ka kualitet. Nuk mund ta bëjmë të bardhën të zezë, Egnatia ka lojtarë me eksperiencë, gjë që ne na mungon. Përveç Alban Hoxhës lojtarët e tjerë janë të rinj. Duke parë edhe shkallët e vështirësië, jam shumë i kënaqur nga ekipi, nga mënyra si interpretuan. Gabimet nuk shmangen, por disiplina dhe sakrifica më bëjnë që të ndihem mirë për ekipin.
Finalja? Ka mbaruar vetëm pjesa e parë. Një pjesë e parë e mirë, por asgjë nuk ka mbaruar. Mund të mendosh se kontrollon lojën në fushën tënde… Kjo iku, kemi kohë për të menduar. Kemi 22 lojtarë, por ka disnivele. Sot u mundova të aktivizoj një mesfushor të ri, Mintongo, pasi ka 3 ditë që e kam parë. Më pëlqeu fizikisht, normal që shfaq probleme kur lodhesh.
Dominimi i Egnatias, arsyeja? Taktikisht kemi pasur të njëjtat detyra. Nuk shmangej lodhja, Eleke, Binstouka. Në momentin që bie karburanti, normal që duhen ndërrimet, pasi kemi ndeshje tjetër pas 3-4 ditëve. E rëndësishme është që këtu nuk mund të rrish në fushë i lodhur, për veten nuk ndihesh mirë. Nuk kam dëshirë që të shoh një lojtar në fushë që përpëlitet. S’duhet të mohojmë kualitetin e Egnatias. Janë me shumë eksperiencë, por ne jemi shumë të mirë. E reja të jep shpresë, besoj fort që do të shkojmë në rrugën e duhur, por nuk them se çfarë mund të ndodhë, as ndeshjen tjetër.
Osmanllari ka një moshë që nuk është i ri shumë, por për mua është i ri. I dhash porosi që të shkëputej paksa. Buxhelaj kudo ta dërgosh, është lojtar që nuk i mungon shpejtësia dhe e mban, nuk abuzon dhe është i bindur. Herë pas herë u munduam të dilnim, por pa bërë ndryshime të mëdha në krah. Bytyçi nuk luan me krahun e majtë, por porta pas nesh është në mes dhe mund të hyjë brenda dhe të dublonte. Të gjithë kanë kontributin e tyre. Por jam i kënaqur me lojtarët e qendrës së mbrojtjes. Por ka problem eksperienca, do kohën e vet. Për atë aspekt që do punojmë, do jenë të ndërgjegjshëm.
Dimitri Podstrelau është fizikisht më mirë dhe bën më shumë sakrifica. Kemi një staf që punojnë dhe bëjnë matjet, kemi informacion sa të ngarkuar janë. Bintsouka si thoja dot që s’luan dot. Doja të shfrytëzoja sa mundej, por nuk mund ta lodhja shumë në lojë. Liro dhe shtrëngo, mundohesh t’i kontrollosh dhe të japësh këshilla. Bintsouka s’kishte ç’jepte, Eleke jo e jo. Por për aq sa luajtën, kanë dhënë më të mirën e tyre. Në momentin që të rikuperohen, kanë mundësi të bëjnë më mirë.
Është problem kur vjen ky brezi i ri. Fiksohen pas një dëshire që kanë pasur në fëmijëri, njëri thotë jam 9-sh, tjetri 10-sh. Detyra e trajnerit është të shohë ku luan më mirë. Keko është lojtar vertikal, mori përsipër të bënte çdo gjë tek pull. Mund të luajë edhe 10-sh edhe 9-sh, por ka veti që është i guximshëm. Eleke s’po e bëntë dot, Keko ka aftësi të tjera dhe ai bëri shumë mirë. Më pëlqeu si e ndihmoi ekipin, shpresoj mos të na dëgjojë se do të thotë jam 9-sh si gjithmonë. Edhe unë kam dashur të jem 10-sh, por kurrë nuk u bëra.
Derbi përpara, keni shpenzuar energji sot? Patjetër që na shqetëson se kemi shpenzuar energji. Do punojmë sa më shumë, pasi i kemi të gjitha kushtet për fatin e mirë. Në kohën kur unë isha duhej ta linim fushën sepse vinte ekipi tjetër. Sot kemi gjithçka tonën. Shpresojmë që për derbin t’i mbajmë larg presionit dhe të jenë me këmbë në tokë. Doja të mos ishte kjo ndeshje, por ndonjëherë del për mirë. Të shkojmë me optimizëm”, tha Gega.
