Tashmë gjithçka duket e kryer për të ardhmen e Ernest Muçit. Fantazisti i Kombëtares shqiptare që aktualisht luan për Besiktasin, do të jetë pjesë e klubit të Stambollit edhe për sezonin tjetër.
Lajmi është konfirmuar nga mediat turke. Prej kohësh thuhej se Besiktasi do të shiste Muçin në merkaton e verës duke pretenduar se shqiptari nuk ishte në pritshmëritë e dhura.
Megjithatë, trajneri Ole Gunnar Solskjaer ka insistuar të mbajë 23-vjeçarin kuqezi edhe për sezonin e ardhshëm. Që nga transferimi i tij te Besiktasi, Ernest Muçi ka fituar Kupën e Turqisë dhe Superkupën me fanellën bardhezi.
