Në ekipin e Barcelonës është vertet një konkurrencë e jashtëzakonshme për të marrë minuta në fushën e lojës. Diçka të tillë nuk po arrin ta gjejë dot Pablo Torre, i cili pritet të largohet.
Siç raportojnë mediat spanjolle, mesfushori 22-vjeçar është pranë kalimit përfundimtar në ekipin e Mallorcës. Pritet që të ketë bisedime mes drejtuesve të klubeve për transferimin e Torre.
Në rast të një transferimi te ekipi i Mallorcës, Torre do të luante me Vedat Muriqin. Ekipi ku luan sulmuesi i Kosovës, është gati t’i ofrojë një kontratë 4-vjeçare lojtarit të Barcelonës.
