Kombëtarja shqiptare nis sonte ndaj Anglisë në orën 20:45 rrugëtimin për Kupën e Botës. Pak më parë, trajnerët e të dyja ekipeve kanë bërë të ditur dhe formacionet zyrtare që do të zbresin në fushë.
Në repartin ofensiv, Sylvinho ka inkuadruar Asanin, Bajramin dhe Myrto Uzunin. Trajneri brazilian nuk ka pasur mundësi për të bërë shumë zgjedhje, pasi dhe Mirlind Daku nuk është i grumbulluar për shkak të një dëmtimi.
Sulmuesi 27-vjeçar ka mbështetur bashkëlojtarët me një InstaStory. “Ju ruajtë Zoti dhe me këmbë të mbarë”, shkruan sulmuesi kuqezi në prag të sfidës.
