Një aksident i rëndë ka ndodhur në zonën e Shkozës në Tiranë, ku makina e policisë ka dalë nga rruga, dhe për pasojë ka përfunduar në bordurën anësore të lumit Lana. Për pasojë dy efektivët e policisë kanë pësuar lëndime, dhe janë dërguar me urgjencë drejt spitalit për të marrë ndihmën mjekësore. Siç shihet dhe në pamjet e mëposhtme, punonjësit e policisë kanë arritur që të dalin vetë në rrugën kryesore, ndërsa hetimet për aksidentin vijojnë.
NJOFTIMI I POLICISË:
Rreth orës 06:15, te ura e Shkozës, punonjësi i policisë i Sektorit të Forcës së Posaçme “Shqiponja”, A. Sh., duke drejtuar automjetin e shërbimit, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga, duke rënë në lumin Lana.
Drejtuesi i automjetit dhe pasagjeri janë dërguar në spital, për ndihmë mjekësore.
Po punohet për sqarimin e rrethanave të aksidentit.
