Ditën e sotme, Xabi Alonso i ka komunikuar Bayer Leverkusenit se do të largohet nga stoli i klubit. Trajneri spanjoll do të largohet nga “aspirinat” dhe me shumë gjasa do të marrë drejtimin e Real Madridit.
Lëvizja mëse e sigurt e ish-mesfushorit të Spanjës për te “Los Blancos” i ka hapur rrugën tashmë dhe Carlo Ancelottit. Me ardhjen e Xabi Alonsos në stol për sezonin e ardhshëm, Real Madridi do ta lërë të largohet teknikun italian.
Rruga e Ancelottit do të jetë tashmë në Brazil, aty ku pritet të drejtojë Kombëtaren amerikano-jugore. Siç raporton Fabrizio Romano, marrëveshja mes Ancelottit dhe Brazilit do të bëhet e ditur pas “El Clasicos”.
