Shkëndija është kampione e Maqedonisë së Veriut. Pasi mposhti Rabotniçkin 2:1, ekipi shqiptar siguroi matematik titullin e pestë në histori.
“Historia shkruhet sërish në ngjyrat kuqezi!. KF Shkëndija shpallet kampione e Maqedonisë për herë të pestë në histori, një arritje madhështore që mban vulën e zemrës, përkushtimit dhe forcës sonë si klub dhe si komunitet. Faleminderit lojtarëve, stafit, tifozëve në çdo cep të botës.
Përkundër mungesës në tribuna, dashuria juaj ndihej në çdo sekondë. Kjo është për ju!”, shkruan në postimin e klubit tetovar.
