Një automjet tip “Benz” është përfshirë nga flakët në ecje, pak minuta më parë pranë një qendre tregtare në Fier.
Sapo ka pikasur flakët, drejtuesi i automjetit i cili shoqërohej nga dy pasagjere, ka dalë menjëherë nga makina duke mos pësuar asnjë lëndim.
Paraprakisht dyshohet se zjarri mund të ketë rënë si pasojë e një difekti teknik në mjet. Në vendngjarje kanë mbërritur menjëherë mjeti zjarrfikës dhe policia e cila po punon për zbardhjen e plotë të rrethanave të ngjarjes që fatmirësisht pati vetëm dëme materiale.
