Flamurtari është pretendenti kryesor për ngjitjen në Superiore. Klubi i Kategorisë së Parë është futur fuqishëm në merkato, ndërsa emrat e afruar i përgjigjen dëshirave të tifozëve.
Kështu vetëm së fundmi janë prezantuar Atanda, Lorenc Trashi dhe Herald Marku. Atanda dhe Trashi i bashkohen Idriz Bathës, që ishte pjesë e Flamurtarit në sezonin e kaluar.
Të tre lojtarët bashkë kanë luajtur për Partizanin në kohët e arta. Ndër të tjera kujtojmë arritjen në fazën “play-off” të Europa League gjatë vitit 2016.
Tashmë është koha për vepra në fushë. Në krye të grupit është Andrea Agostinelli. Trajner ky që po ashtu ka qenë pjesë e Partizanit.
