Kategoria e Parë ka mbyllur ditën e djeshme ndeshjet e javës së 32-të të kampionatit. Pikë të rëndësishme janë marrë nga skuadrat, të cilët po luftojnë për të arritur obejktivat e tyre.
Pas kësaj jave Pogradeci edhe matematikisht ka siguruar “Play-Off”. Ndërkohë nuk e shmangën dot “Play-Out” skuadra e Kukësit dhe Kastriotit, të cilët do të duhet të luajnë ndeshje shtesë për të siguruar qëndrimin në Kategorinë e Parë.
Nga ana tjetër një luftë e fortë do të bëhet për një vend në Superiore mes Besës së Kavajës dhe Flamurtarit, ku vlonjatët kanë vetëm 1 pikë më shumë në klasifikim. “Luftë” do të jetë edhe mes Apolonisë dhe Lushnjes për vendin e 6-të në klasifikimm, poazicion që të siguron “Play-Off”-in.
Siç dihet në fundjavë do të luhen ndeshjet e fundit të kampionatit, me ekipet që do të bëjnë mes tyre llogaritë e javës së 33-të të Kategorisë së Parë.
