Pas tre sezonesh në LaLiga me fanellën e Atletico Madridit, Nahuel Molina pritet të largohet nga “Colchoneros”. Mbrojtësi i Kombëtares argjentinase është pranë rikthimit në Serie A.
Tre ekipe të kampionatit italian janë në ndjekje të 27-vjeçarit. Siç raporton “Il Mundo Deportivo”, Roma, Interi dhe Juventusi janë në garë për të siguruar shërbimet e kampionit të botës.
Megjithatë, Atletico Madrid nuk do ta linte mbrojtësin të shkonte pa të paktën 20 milionë euro. Tre vite më parë, madrilenët e blenë Molinën nga Udinese me të njëjtën shifër si më sipër.
