Kjo fundjavë pritet të jetë përvëluese, me temperatura maksimale që të shtunën dhe të dielën pritet të arrijnë në 39 gradë në zonat e Ulëta.
Kështu tha Anira Gjoni, specialistja nga Instituti i Gjeoshkencave tha në ‘Sot Live në Shqipëri’.
Temperaturat parashikohen:
Në zonat bregedare 22/33;
Në zonat e ulëta 20/39;
Në zonat malore 17/30.
“Të hënën presim të kemi një rënie të lehtë të temperaturave. Në zonat e ulëta temperaturat do të shkojnë në 36 gradë celcius”, tha Gjoni.
Problem, meteorologët cilësojnë nivelin e lartë të temperaturave minimale, duke vështirësuar përditshmërinë e secilit prej nesh.
Për shkak të temperaturave të larta edhe rreziku nga zjarret është më i lartë. Qarqet më të rrezikuara janë Fieri, Lezha, Durrësi dhe Tirana, por nuk mbeten pas as Gjirokastra, Berati dhe Shkodra.
Ndërkohë ashtu si qershori edhe korriku do të jetë një muaj i nxehtë.
“Sipas parashikimeve të deritanishme tre javët e para të korrikut priten që temperaturat të jenë 3-6 gradë mbi normë”, përfundoi Gjoni.
