Real Madridi i ka vënë syrin mesfushorit Angelo Stiller. Sipas “Marca”-s , mesfushori i Stuttgartit dhe i ekipit kombëtar gjerman është ndër profilet që po ndiqet nga afër nga Real Madridi për të forcuar mesfushën e tyre. Sipas thashethemeve, çmimi i lojtarit mund të jetë rreth 40 milionë euro.
Barcelona dhe Arsenali kanë qenë gjithashtu të lidhur më parë me Stillerin. Lojtari, i lindur në vitin 2001, ka bërë 32 paraqitje në Bundesligë këtë sezon, duke shënuar një gol dhe duke dhënë tetë asiste.
Paraqitjet e tij me Stuttgartin kanë tërhequr vëmendjen e disa klubeve kryesore evropiane, me Real Madridin që tani thuhet se po kërkon të bëjë një lëvizje për të siguruar shërbimet e tij. Stiller, me vizion dhe aftësi të mira në rikuperimin e topit, përfaqëson një profil interesant për mesfushën e Real Madridit në sezonet e ardhshme.
