Ditën e sotme, është konfirmuar se Tijjani Reijnders do të largohet duke mbushur arkat e Milanit me 70 milionë euro. Mesfushori holandez do t’i japë lamtumirën kuqezinjve për t’u bërë pjesë e Manchester Cityt.
Ende pa u larguar 26-vjeçari holandez nga Milano, Igli Tare ka gjetur zëvendësuesin e tij. Siç raporton “TMË”, drejtori sportiv i “djallit” është kthyer nga Kroacia pas një takimi me Luka Modricin.
Igli Tare është takuar me mesfushorin kroat dhe shoqëruesit e tij për të paraqitur ofertën e Milanit. Kuqezinjtë i kanë ofruar Modricit kontratë 1-vjeçare me opsion për një vit shtesë me një pagë prej 4 milionë eurosh në sezon.
